ТАШРИФИ КОТИБИ ДАВЛАТИИ ҚАЗОҚИСТОН БА ДУШАНБЕ
Душанбе, 14 май. (АМИТ «Ховар», Людмила Дубинина). — Котиби давлатии Ҷумҳурии Қазоқистон, вазири корҳои хориҷии ин мамлакат Қанот Саудабоев 18 май барои боздиди серӯза ба Душанбе меояд. Ӯ ҳамчун раиси амалкунандаи Созмони амнияту ҳамкории Аврупо бо Президенти Ҷумҳурии Тоҷикистон Эмомалӣ Раҳмон ва вазири корҳои хориҷӣ Ҳамрохон Зарифӣ мулоқот хоҳад кард. Қ.Саудабоев зимни сафар дар маҷлиси 37 – уми Созмони конфронси исломӣ ширкат меварзад, ки имсол дар Тоҷикистон баргузор мегардад. Ӯ аз номи мамлакаташ Оинномаи Созмони конфронси исломиро имзо хоҳад кард. Меҳмони олиқадр сипас барои намояндагони воситаҳои ахбори оммавӣ нишасти матбуотӣ ташкил менамояд. Инчунин мулоқоту сӯҳбатҳои Қ.Саудабоев бо роҳбарони ҳайатҳои мамлакатҳои аъзои Созмони конфронси исломӣ пешбинӣ карда мешавад. Мухбири АМИТ «Ховар» хабар медиҳад, ки Қазоқистон узви Кумитаи иҷроияи Созмони конфронси исломӣ буда, соли 2011 раёсати созмонро ба зимма хоҳад гирифт.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
