АРЗИШИ РАВОДИДИ ИМА МЕАФЗОЯД

Душанбе, 2  июн. (АМИТ «Ховар», Фарангис Раҳимова). —  Аз 4-уми июни соли 2010 пардохти раводиди ғайримуҳоҷиратӣ барои сайёҳон, сафарҳои кории кўтоҳмуддат, донишҷўён  ва раводидҳо барои шахсони шомили барномаҳои мубодилавӣ аз 131 доллари ИМА ба 140  доллар меафзояд. Тавре ба АМИТ «Ховар» аз сафоратхонаи ИМА дар Тоҷикистон хабар доданд, арзиши дархост барои раводид, ки инчунин арзиш барои раводиди қобили хониши мошин (MRV) ном дорад аз ҷониби ҳамаи дархосткунандагони раводид дар саросари ҷаҳон бо баъзе истисноҳои маҳдуд ба монанди раводидҳои вобаста ба ашхоси расмии давлатӣ, пардохта мешавад. Сарфи назар аз он ки раводид пешниҳод мешавад ё не, арзиши зикршуда пешпардохт хоҳад шуд.              Ба гуфтаи манбаъ, баланд кардани арзиши раводид ба ҳукумати ИМА имконият медиҳад, ки арзиши афзудаистодаи ба таҳиякунии раводидҳои ғайримуҳоҷиратӣ марбутро тибқи муқаррароти қонуни ИМА ҷуброн намояд ва ҳамчунин марзҳои худро боз ва ҳамзамон бехатар нигоҳ дорад.