БА ИСТИФОДА ДОДАНИ ТОЛОРИ «ВАСТАН»

Душанбе, 22 июн. (АМИТ «Ховар», Лаззат Диловарзод).- Бино ба гуфти раиси Кумитаи ҷавонон , варзиш ва сайёҳии назди Ҳукумати ҷумҳурӣ Маликшо Неъматов, 23- юми июни соли ҷорӣ ба муносибати Рӯзи ваҳдати миллӣ дар ноҳияи Дарвоз толори варзишии «Вастан», ки дар асоси як лоиҳаи ҷадиди туркӣ сохта шудааст, ба истифода дода мешавад. Ба ин муносибат, бо ибтикори Кумитаи ҷавонон, варзиш ва сайёҳии назди Ҳукумати ҷумҳурӣ, мақомоти иҷроияи маҳаллии ҳокимияти давлатии  ноҳияи Дарвоз, Кумитаи миллии Олимпӣ    дар давоми се рӯз 23- 25-уми июни соли ҷорӣ дар маркази ноҳияи Дарвоз мусобиқаи ҷумҳуриявӣ оид ба гӯштини ДЗЮ- ДО миёни наврасон доир мегардад. Ба  гуфти Маликшо Неъматов,     бори нахуст дар сатҳи ҷумҳурӣ чунин мусобиқа дар  ноҳияи Дарвоз  барои дарёфти «Ҷоми ваҳдати миллӣ» миёни ҷавонон доир мегардад. Дар назар аст, ки чунин мусобиқаҳо бо навбат дар дигар ноҳияҳои ҷумҳурӣ низ доир карда шаванд.