БАРОИ ҲИМОЯИ БУЧЕТ 90 МЛН. ДОЛЛАР

Душанбе, 16 июн. (АМИТ «Ховар», Лаззат Диловарзод).- Иттиҳоди иқтисодии Аврупо баҳри бартарафсозии оқибатҳои бӯҳрони молиявии ҷаҳонӣ нисбат ба давлатҳои рӯ ба тараққӣ кӯмаки молиявӣ менамояд. Дар назар аст, ки рӯзҳои наздик Иттиҳоди иқтисодии Аврупо аз ҳисоби фонди зиддибӯҳронӣ барои дастгирии молиявии Ҷумҳурии Тоҷикистон 90 млн. доллар ҷудо менамояд. Бино ба гуфти намояндаи матбуотии Котиби генералии Иттиҳоди иқтисодии Аврупо, ин ташкилоти бонуфузи байналмиллалӣ давом додани сохтмони иншооти гидроэнергетикиро дар баробари Сангтӯда ва Роғун барои Ҷумҳурии Тоҷикистон дар  рушди иқтисоди    ин кишвар хеле зарурӣ ва манфиатнок мешуморад. Иттиҳоди иқтисодии Аврупо сохтмони ҳамагуна иншооти гидроэнергетикиро дар Ҷумҳурии Тоҷикистон ба манфиати кишварҳои поёноб донистааст, зеро сарбандҳои азими   иншоотӣ барои рушди кишоварзӣ ва таъмини кишварҳои поёноб бо оби тозаи ошомиданӣ даҳҳо асрҳои дигар метавонанд хизмат кунанд.