ЧОРАБИНИҲОИ ЧАШНӢ БАХШИДА БА ИДИ КАСБӢ

Душанбе 4 июн, (АМИТ «Ховар» Бекназар Абубакр).-Ҳар сол якшанбеи аввали моҳи якуми тобистон дар Тоҷикистон Рӯзи кормандони савдо, хизматрасонии маишӣ ва кормандони соҳаи коммуналӣ ҷашн гирифта мешавад. Ҷашни имсола ба 6 июн рост омадааст. 2 июн Мақомоти иҷроияи ҳокимияти давлатии шаҳри Хуҷанд бо намояндагии муовини якуми раиси шаҳри Хуҷанд Иброҳимҷон ӣброҳимов ва кумитаи тадорукоти чорабиниҳо масъалаи дар сатҳи баланд гузаронидани ин идро мавриди муҳокима қарор доданд. Хизматҳои ҳаррӯзаи кормандони савдо ва хизмати маиширо ба назар гирифта, барои дар сатҳи баланд ҷашн гирифтани ин иди касбӣ чорабиниҳои гуногуни ҷашнӣ доир хоҳад шуд. Бахшида ба ин рӯз дар боғи марказии фарҳангу фароғатии ба номи Камоли Хуҷандӣ барномаи консертӣ бо иштироки устодони санъат ва ситораҳои эстрадии шаҳру вилоят баргузор мегардад. Дар ин бора аз кумитаи тадорукоти чорабиниҳо ба АМИТ «Ховар» иттилоъ доданд.