ДАР 7 СОЛ 150 МЕДАЛ

Душанбе, 4 июн.(АМИТ «Ховар», Лаззат Диловарзод).- Гимназияи Тоҷикистону Русия «Ҳотам ва ПВ» 7- сола шуд. Тибқи иттилои маъмурияти гимназия мазкур, дар 5 моҳи аввали соли ҷорӣ шогирдони ин муассисаи таълимӣ дар олимпиадаҳои байналмилалӣ аз фанҳои математика, информатика, физика, химия ва нанатехнология сазовори 8 медали тилло, 6 медали нуқра, 19 медали биринҷӣ гардиданд. Боис ба ёдоварист, ки хонандагони гимназия дар тӯли 7 соли фаъолияташ дар олимпиадаҳои гуногун сазовори 150 медалу дипломҳо гардида, хатмкунандагонаш дар  донишгоҳҳои олии  Тоҷикистон, Русия, Амрико, Ҷопон ва Қазоқистон дохил шуда, бомуваффақият таҳсил мнамоянд. Гимназия барои соли таҳсили 2010 – 2011 ба қабули хонандагон  оғоз кард. Рӯзи 14 – уми июни соли ҷорӣ барои қабул ба синфи 5  аз фанни математика    имтиҳони нахустин баргузор мегардад.