ДУХТАРОНИ БАДАХШОН АЗ ОЗМУН ГУЗАШТАНД

Душанбе, 3 июн. (АМИТ «Ховар» Мавзуна Бойева).- Корхонаи Воҳиди Давлатии  «Роҳи оҳани Тоҷикистон», тавассути озмун барои ишғоли  кор ба вазифаи роҳбалад  дар қатораҳои «Роҳи оҳани Тоҷикистон»    20 ҷавондухтари Бадахшониро   қабул кард. Ҷавондухтарон дорои маълумати миёнаи умумӣ ва касбӣ техникӣ мебошанд, тавре ба мухбири АМИТ «Ховар» дар  корхонаи мазкур иттилоъ доданд, ҷавондухтарони 18 – 35- солаи бадахшонӣ бори аввал дар чунин озмунҳо ширкат намуда, барои дастрасӣ ба кор муваффақ шуданд. Агар ба кор  гирифтани духтарони бадахшӣ аз як тараф дарки масъулияту коршиносии худи  онҳо бошад, аз тарафи дигар   кам кардани  сатҳи камбизоатӣ дар ноҳияҳои кӯҳистони Бадахшон тавассути  баргузории чунин озмунҳо мебошад,- иброз дошт сардори корхонаи воҳиди мусофирбари Роҳи оҳани Тоҷикистон Маҳмадюсуф Абдураҳмонов.