ФАЪОЛИЯТИ 24 ФОИЗИ КОРХОНАҲО ҚАТЪ ГАРДИД

Душанбе, 17 июн. (АМИТ «Ховар», Лаззат Диловарзод).- Дар моҳҳои январ- майи соли ҷорӣ миқдори корхонаҳое, ки  пурра аз фаъолият истодаанд ба 221 адад мерасанд, ки ин 24,2 фоизи ҳамаи корхонаҳои ҷумҳуриро ташкил медиҳад,- иброз доштанд дар Агентии омори назди Президенти ҷумҳурӣ ба мухбири АМИТ «Ховар». Дар моҳи майи соли 2010 бошад 328 корхона фаъолият накард, аз ҷумла дар вилояти Хатлон ҶММ «Зафар», «Исроил», КМ «Азот», КВД «Аэрофлот», ҶСШК «Равғани Сомонӣ», «АТО» ва «Эҳё» умуман аз фаъолият боз монданд. Ба гуфти ҳамин манбаъ, ин вазъият дар вилоятхои Суғду Бадахшон аз вилояти Хатлон дида беҳтар нест. Аз 80 номгӯи асосии маҳсулоти саноатӣ 39 номгӯй афзуда бошад ҳам, истеҳсоли 26 номгӯй кам шуда, аз рӯи 15 номгӯй маҳсулот истеҳсол нашудааст.