ГУМРУК: 1 КГ 980 ГР ГЕРОИН ДАРЁФТ КАРДА ШУД
Душанбе, 4 июн. (АМИТ «Ховар», Жасмин Назарова). – Кормандони гумруки фурӯдгоҳи раёсати минтақавии гумрукии дар шаҳри Душанбе ҳангоми ба расмиятдарорӣ ва назорати мусофирони хатсайри Душанбе – Москва, шаҳрванди пойтахт Ольга Волская, соли таваллудаш 1984 дар интиқоли маводи нашъаоварӣ тавассути сарҳади гумрукии ҶТ гумонбар дониста, боздошт намуданд. Тавре ба хабарнигори АМИТ «Ховар» аз дафтари матбуоти Хадамоти гумруки назди Ҳукумати ҶТ иттилоъ доданд, ҳангоми гузарондани муоинаи гумрукӣ аз таги либоси О. Волская 10 адад бастаи селофанӣ бо маводи ба героин монандро дарёфт ва мусодира карда шуд. Қочоқбар ба кормандони гумрук иқрор шуд, ки бар ивази интиқоли маводи мухаддир ба ӯ 3 ҳазор доллари ИМА ваъда кардаанд. Мутобиқи коршиносони лаборатории Агентии назорати маводи нашъаовари назди Президенти ҶТ маводҳои аз О. Волская дарёфтшуда 1 кг 980,5 гр-ро ташкил дод. Нисбати ин далел парвандаи ҷиноӣ оғоз шуда, аз рӯи тобеияти тафтишотӣ ба прокуратураи нақлиётии ҶТ фиристонида шуд.
Имрӯз дар ноҳияҳои алоҳидаи Тоҷикистон чангу ғубор ба амал меояд
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
БЕҲТАРИН СОДИРОТКУНАНДАИ ТОҶИКИСТОН. Агентии миллии иттилоотии Тоҷикистон «Ховар» ғолиби озмун гардид
Дар Душанбе Рӯзи Парчами давлатӣ дар сатҳи баланд таҷлил карда мешавад
20 октябр Рӯзи байналмилалии танзимгарони ҳаракати ҳавоӣ мебошад
