ИФТИТОҲИ БИНОИ НАВ ДАР НОҲИЯИ ДАРВОЗ

Душанбе, 24 июн. (АМИТ «Ховар», Покиза Маҳмадбекова). —  Сарвари Давлат Эмомалӣ Раҳмон дар доираи чорабиниҳои ҷашни Ваҳдати миллӣ, кушодашавии бинои нави “Амонатбонк» дар ноҳияи Дарвози ВМКБ иштирок  намуд. Президенти ҷумҳурӣ дар маросими тантанавӣ ба аҳли кормандон ва мутахассисони бонки мазкур, дар шароити наву муосир ва муҷаҳҳаз бо техника ва технология, масъулияту бурдбориро таманно намуд. «Ин иншоот аз ҷониби Шӯъбаи сохтмонии «Амонатбонк» дар мӯҳлати се моҳ сохта ба истифода дода шуд, ки барои сохтмон ва таъмини таҷҳизоти он дар маҷмӯъ 312 ҳазор сомонӣ маблағ масраф гардид»,- иброз намуд Муовини Раиси Раёсати БДА ЧТ «Амонатбонк» Сироҷиддин Икромов. Шўъбаи №68 дар ноҳияи Дарвоз будаи «Амонатбонк» яке аз фаъолтарин сохторҳои бонк дар ВМКБ маҳсуб ёфта, дар он 21 нафар мутахассисони варзида ва соҳибмаълумот кор мекунанд.