ИНТИҚОЛИ ОБ МУВАҚҚАТАН ҚАТЪ КАРДА МЕШАВАД

Душанбе,  22 июн. (АМИТ «Ховар»,  Покиза  Маҳмадбекова). —  Аз Корхонаи  воҳиди  давлатии «Душанбеводоканал»  ба  АМИТ «Ховар»  хабар  доданд, ки  интиқоли об  ба баъзе   маҳалҳои  ноҳияи  Исмоили  Сомонӣ  аз  24  то 25  июн  муваққатан   қатъ  карда  мешавад. Сабаби  қатъи  интиқоли об  тармими  хати обрасонӣ  мебошад. Интиқоли  об  дар  рӯзҳои  зикршуда,  дар  баъзе  биноҳои  хиёбони  Рӯдакӣ,  муассисаи  давлатии  «Комплекси  меҳмонхонаҳои  раёсати   молиявию  хоҷагии  Дастгоҳи  иҷроияи  Президенти ҶТ»,  Шифохонаи  клиникии  бачагонаи  № 2 , боғчаҳои  бачагонаи № 17  ва  № 58  қатъ  карда  мешавад. Мақомоти  иҷроияи  ноҳияи  Исмоили  Сомонӣ  ва  Корхонаи  воҳиди давлатии  «Душанбеводоканал»  аҳолӣ  ва  кормандони  муассисаҳои  зикршударо  даъват  менамоянд, ки  дар  мӯҳлати  зикргардида ҳаҷми  зарурии  обро  захира  кунанд.