КӮМАКИ ТОҶИКИСТОН БА ҚИРҒИЗИСТОН

Маскав,  23 июн. (АМИТ «Ховар», Ҳалима  Хушқадамова). —  Кумитаи  ҳолатҳои  фавқулодда ва  мудофиаи  шаҳрвандии   назди  ҳукумати  Тоҷикистон ба  котиботи  Созмони  аҳдномаи  амнияти  дастаҷамъӣ  хабар  дод, ки  Тоҷикистон   ба  аҳолии  бар  асари  бетартибиҳои оммавӣ  ва  муноқишаҳои байни  қавмҳо  зарардидаи  қисмати  ҷанубии  Қирғизистон  кӯмаки башардӯстона расонд. Аз  ҷумла,  аз  Тоҷикистон  ба  Қирғизистон  100  тонна  орд, 30  тонна  биринҷ,  10  тонна  макарон, 10  ҳазор  литр  равғани наботӣ,  10  тонна  картошка,  10  тонна  пиёз, 10  ҳазору 235  литр   сӯзишвории  дизелӣ  фиристода шуд.  Маблағи  умумии  кӯмаки  башардӯстона  қариб 80  ҳазор доллари  ИМА – ро ташкил  медиҳад.