КОНФРОНСИ БАЙНАЛМИЛАЛӢ ДАР ҶУМҲУРИИ КУРИЁ

Душанбе,  11 июн. (АМИТ «Ховар»,  Лутфия  Эшонқулова). —   Рӯзҳои  1  ва  2  июли  соли  равон  дар  Ҷумҳурии  Куриё  бахшида ба   проблемаҳои  об  конфронси байналмилалӣ  баргузор  мегардад.  Дар  ин  бора   намояндаи  Вазорати   захираҳои  замин, нақлиёт  ва  масъалаҳои  баҳри  Ҷумҳурии  Куриё   Биён Жей Йонг  зимни  суханронӣ  дар Конфронси байналмилалии  бахшида ба  натиҷаҳои  даври  аввали  Даҳсолаи  байналхалқии  амалиёти  «Об барои  зиндагӣ» дар  шаҳри  Душанбе  хабар дод. Вай  зикр  кард, ки  вазъияти  иқлими  мамлакат  дар  давоми  7  соли  охир  хеле  муташанниҷ  гардидааст ва  ин ба иқтисодиёти  мамлакат таъсири  манфӣ  мерасонад. Дар  конфронси  байналмилалии  Куриё  намояндагони  мамлакатҳои  Осиёи  Марказӣ  ва  ҳавзаи  уқёнуси  Ором  ширкат  меварзанд. Дар  конфронс  нақшаҳои  ҳамкорӣ дар  масъалаи  идораю  истифодаи   захираҳои об   ва  пешгирии  оқибатҳои  тағйир  ёфтани  иқлим  муҳокима  карда  мешаванд.