КОРВОНИ КӮМАКИ БАШАРДӮСТОНА БА ХОРУҒ РАСИД
Хоруғ, 2 июн. (АМИТ «Ховар», Л.Додоев). — Тавре хабар дода шуда буд, бо супориши Президенти ҷумҳурӣ аз ҳисоби хазинаи эҳтиётии Сардори давлат барои сокинони эҳтиёҷманди Вилояти Мухтори Кӯҳистони Бадахшон корвони кӯмаки башардӯстона ташкил карда шуд. Корвони мазкур 31 май ба шаҳри Хоруғ ворид гардид. Сокинони шаҳр корвонро бо суруру шодмонӣ истиқбол намуданд. Кӯмаки башардӯстона асосан барои иштирокчиёну маъюбони Ҷанги Бузурги Ватанӣ, одамони бемору бесаробон, ятимон ва зарардидагони зилзилаи ноҳияи Ванҷ пешбинӣ шудааст. Мухбири АМИТ «Ховар» хабар медиҳад, ки имрӯзҳо дар мавзеи Сурхсангов барои зарардидагони зилзилаи ноҳияи Ванҷ маҳаллаи нав бунёд карда мешавад. Бо корвони мазкур ба ВМКБ 68 ҳазору 700 килограмм орд, 34 ҳазору 135 килограмм биринҷ, 29 ҳазору 400 килограмм равғани наботӣ, 28 ҳазору 265 килограмм шакар, теъдоди зиёди либос ва пойафзол фиристода шуд. Сокинони вилоят аз ин ғамхории давлат ва хусусан Президенти мамлакат Эмомалӣ Раҳмон хеле шоду хурсанд гардиданд.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
