МАБЛАҒИ ИСТИРОҲАТ ИНТИҚОЛ ДОДА ШУД

Душанбе, 3 июн. (АМИТ «Ховар», Лаззат Диловарзод).- Тибқи маълумоти Вазорати мехнат ва ҳифзи иҷтимоии аҳолӣ соли ҷорӣ барои ташкили бофароғати кӯдакони бар асари офати табиӣ зарардидаи минтақаи Кӯлоби вилояти Хатлон аз ҳисоби  маблағҳои суғуртаи иҷтимоӣ 100 ҳазор сомонӣ ба суратҳисоби Федератсияи мустақили иттифоқҳои касабаи Тоҷикистон гузаронида шуд. Илова бар ин, дар Пажӯҳишгоҳи тавонбахшии маъюбони назди вазорати  мазкур  дар давоми се моҳ 60 нафар ашхоси дар натиҷаи офати табиӣ  зарардидаи ҷумҳурӣ, ки ба бемориҳои рӯҳӣ гирифтор шудаанд, ба ташхису табобат фаро  гирифта мешаванд.            Кормандони масъули зерсохторҳои вазорат таъҷилан як нафар сокини кӯчаи Чармгарони Поёни шаҳри Кӯлобро, ки бар асари офати табиӣ  ба бемории рӯҳӣ гирифтор шудааст, бенавбат дар хона- интернати бемориҳои рӯҳии ноҳияи Восеъ ҷойгир намуданд.