МУҲОКИМАИ МАСЪАЛАҲОИ МУҲИМ

Душанбе, 17 июн. (АМИТ «Ховар», Лаззат Диловарзод).- Бино ба иттилои бахши матбуотии Вазорати меҳнат ва ҳифзи иҷтимоии аҳолӣ, Маҳмадамин Маҳмадаминов – роҳбари  вазорати мазкур,  сармутахассис оид ба ҳифзи меҳнати Бюрои таъмини бехатарии меҳнат (ТБМ) барои кишварҳои Аврупои Шарқӣ  ва Осиёи Марказӣ дар Маскав Викинг Хусбергро қабул намуд. Мақсад аз ин вохӯрӣ пешниҳод намудани маълумот оид ба лоиҳаи нав барои шарикони сетарафаи таъмини бехатарии меҳнат, бартараф кардани бӯҳрон ва таъмини  меҳнати арзанда ва бехатарии меҳнатдар ин кишварҳо арзёбӣ  гардид. Дар ҷараёни вохӯрӣ масъалаи ташкил намудани машғулияти дурӯза оид ба ҷорӣ кардани стандартҳои асосии байнидавлатӣ барои кормандони Хадамоти давлатии  назорат дар соҳаи меҳнат, шуғл ва ҳифзи иҷтимоии аҳолӣ, шарикони иҷтимоӣ ва сарони муассисаҳои пилотӣ, ки стандартҳои ҳифзи меҳнатро марҳила ба марҳила ҷорӣ менамоянд, муҳокима гардиданд.