МУҲОКИМАИ ВАЗЪИ ИМРӮЗАИ ШЕЪРИ ТОҶИКӢ

Душанбе, 1 июн. (АМИТ«Ховар», Лутфия Эшонқулова).-Дар пленуми навбатӣ, ки 4-уми июн дар Иттифоқи нависандагони Тоҷикистон баргузор мегардад, аъзоёни он масъалаи вазъи имрӯзаи шеъри тоҷикро муҳокима хоҳанд кард.   Тавре ба АМИТ «Ховар» дар Иттифоқи нависандагон хабар доданд, дар маҷлис мазмуну мӯҳтаво, услуби иншову ороиш ва сифати чопи шеърҳое, ки имрӯз нашриётҳои давлатию хусусӣ барои хонандагон ба табъ мерасонанд ва роҳҳои беҳбуди он мавриди баррасӣ қарор мегиранд. Бояд қайд кард, ки имрӯз бо вуҷуди он ки шумораи шоирону нависандагони Тоҷикистон рӯ ба афзоиш ниҳодааст, вале сатҳи шеъри имрӯза хеле заиф буда, ба домани шеъри солҳои 70-80- и асри гузашта расида наметавонад.