МУЛОҚОТИ Э. РАҲМОН БО КАДРҲО
Субҳи имрўз 22 июни соли 2010 Президенти Ҷумҳурии Тоҷикистон Эмомалӣ Раҳмон як гурўҳ кормандони прокуратура ва милисаро, ки ба вазифаҳои сатҳи баланд дар ин сохторҳо пешниҳод шудаанд, барои сўҳбат ба ҳузур пазируфт. Сарвари давлат Эмомалӣ Раҳмон онҳоро ба таъмини волоияти қонун ва тартиботи ҳуқуқӣ, пурзўр намудани назорати прокурорӣ, хусусан дар тақсимоти ғайриқонунии замин барои сохтмони манзили истиқоматӣ ва муборизаи беамон бар зидди ришваситонию коррупсия ҳидоят намуда, таъкид дошт, ки вазифаҳои худро бо дасти пок ва дилу нияти нек иҷро намоянд ва манфиати давлату миллатро аз манфиатҳои шахсию гурўҳӣ ва ҳама манофеи дигар боло гузоранд. Президенти мамлакат Эмомалӣ Раҳмон изҳор дошт, ки кори нек ва ба манфиати халқу Ватан равонагаштаи кадрҳо аз ҷониби роҳбарияти давлату ҳукумат ва сохторҳои дахлдори давлатӣ қадр карда мешавад ва баръакс ҳар касе, ки ба ҷинояту қонуншиканӣ роҳ медиҳад, дар чашми аҳли ҷомеа хору залил мегардад. Ҳамчунин таъкид гардид, ки барои ба ҷинояту қонуншиканӣ даст задании кормандони мақомоти ҳифзи ҳуқуқ роҳбарони ин сохторҳо низ ҷавобгар мешаванд. Дар ин бора ба АМИТ «Ховар» аз Хадамоти матбуоти Президенти Ҷумҳурии Тоҷикистон иттилоъ доданд.








Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд






