МУЛОҚОТИ ПРЕЗИДЕНТИ ТОҶИКИСТОН БО МУОВИНИ МУНШИИ УМУМИИ СММ
Душанбе, 7 июн. (АМИТ «Ховар», Фирдавс Таваров ). — Президенти Ҷумҳурии Тоҷикистон Эмомалӣ Раҳмон баъди чошти 7 июн бо муовини Муншии умумии СММ Шо Сзукон мулоқот кард, ки барои иштирок дар конфронси байналхалқии намояндагони воломақоми мамлакатҳо ва созмонҳои байналхалқӣ дар масъалаи таҳлили миёнамӯҳлату ҳамаҷонибаи ҷараёни иҷрои Даҳсолаи байналмилалии амалиёти «Об барои зиндагӣ» ба Душанбе омадааст. Шо Сзукон баъди анҷоми мулоқоташ бо сардори давлати Тоҷикистон бо хабарнигорон сӯҳбати мухтасар анҷом дод. Вай дар бораи мулоқоташ бо Президент маълумот дода, зикр кард, ки зимни сӯҳбат асосан проблемаҳои обу энергетикаи минтақаи Осиёи Марказӣ муҳокима шуданд. Мо дар давоми ду рӯзи конфронс кӯшиш хоҳем кард, ки роҳҳои имконпазири ҳалли ин проблемаҳоро ёбем, гуфт муовини Муншии умумии СММ. Вай ба саҳми Тоҷикистон дар ҳалли проблемаҳои умумибашарии марбут ба об баҳои баланд дод. Ман вазифадор шудаам, ки паёми Муншии умумии СММ Пан Ги Мунро ба Президенти Тоҷикистон ва иштирокчиёни конфронс расонам. СММ ҳамеша тайёр аст, ба мамлакатҳои аъзо, аз ҷумла Тоҷикистон кӯмаки техникӣ расонад. Мо ҳамчунин мутахассисонро барои ташхиси асоснокии ҳуҷҷатҳои техникию иқтисодии НБО «Роғун» омода месозем, гуфт Шо Сузукон. Тоҷикистон соли 1992 узви комилҳуқуқи СММ гардида буд. Созмони Милал айни ҳол 192 давлати ҷаҳонро муттаҳид месозад.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
Дар Русия аз дақиқаҳои аввал дар алоқа бимонед!
