НАҚШАИ ТАЪМИНИ АҲОЛӢ БО ОБИ ТОЗА ИҶРО НАШУД

Душанбе, 15 июн. (АМИТ «Ховар», Лаззат Диловарзод).-  Дар натиҷаи андешидани тадбирҳо вобаста ба таъмини аҳолӣ бо оби софи ошомиданӣ,  дар давоми 5 соли охир наздик ба 1, 2 млн. нафар аҳолии ҷумҳурӣ  бо оби тоза таъмин карда шуд ва беш аз 600 ҳазор нафар имконияти бештаре барои дастрасӣ ба оби тозаро пайдо намуданд,- иброз доштанд дар Вазорати мелиоратсия ва захираҳои оби ҷумҳурӣ ба мухбири АМИТ «Ховар». Ҳукумати Ҷумҳурии Тоҷикистон бо  мақсади беҳтар намудани таъминоти аҳолӣ бо об ва ноил шудан ба «Ҳадафҳои  Рушди Ҳазорсола», «Барномаи беҳтар намуданитаъминоти аҳолии мамлакат бо оби тоза дар давраи солҳои 2008 – 2020» – ро  қабул намуд. Мутаассифона, бо вуҷуди ҳамаи кӯшишҳо, дар натиҷаи фалокатҳои ҳарсолаи табиӣ нақшаи таъмини аҳолӣ бо оби  тоза иҷро нашуда  монда,  садҳо иншооти инфраструктурӣ  хароб гардида,  ба буҷаи ҷумҳурӣ таъсири манфӣ  расонада мешавад.