НАФСИ КАЛОН БАЛОИ ҶОН

Душанбе, 30 июн. (АМИТ «Ховар», Лаззат Диловарзод).- Бино ба иттилои шӯъбаи пешгирии коррупсияи Агенти НДМ, ҳангоми гузаронидани корҳои санҷишӣ — тафтишотӣ дар ноҳияи Истаравшан аз ҷониби кормандони Раёсати Агентии НДМ дар вилояти Суғдбуда шаҳрванд Ш.Ҷ, ки ба фурӯши ғайриқонунии машруботи спиртӣ машғул будааст, дастгир гардид. Ҳангоми тафтишот аз шаҳрванд Ш.Ҷ ба маблағи беш аз 160 ҳазор сомонӣ машруботи спиртӣ бе тамғаи аксизӣ ба савдо бароварда шудааст. Раёсати Агентии дар вилояти Суғдбуда,  нисбати қонуншикании шаҳрванд Ш.Ғ бо моддаи 259 қ2 (соҳибкории ғайриқонунӣ)- и КҶҶТ парвандаи ҷиноӣ оғоз намуда, тафтишот мебарад.