ОҒОЗИ ДАВРИ ЧОРУМИ ДОРУДИҲӢ БА БАЧАГОН
Душанбе, 15 июн. (АМИТ «Ховар», Кристина Эрлих). — Имрӯз дар Тоҷикистон даври чоруми дорудиҳӣ ба бачагон барои пешгирии паҳн гардидани бемории фалаҷи ҳароммағз оғоз ёфт. Дар даври чорум на танҳо ба бачагони то 6 – сола, балки ба бачагони то 16 – сола низ дору дода мешавад. Дар Вазорати тандурустӣ ба мухбири АМИТ «Ховар» гуфтанд, ки бачагону наврасони то 16 – сола ба бемории фалаҷи ҳароммағз ба осонӣ гирифтор шуда метавонанд. Роҳи ягонаи пешгирии ин бемории хавфнок додани дору ба бачагон мебошад. Бояд гуфт, ки дору ба саломатии бачагон зарар нарасонида, баръакс тобоварии ҷисми онҳоро бештар мегардонад. Дар давоми даври чорум дар саросари мамлакат ба 2 миллиону 900 ҳазору 646 кӯдаку навраси то 16 – сола дору дода хоҳад шуд. Барои ин миқдори зарурии дору захира карда шудааст. Сардухтури давлатии санитарии ҷумҳурӣ, муовини вазири тандурустӣ Аъзамҷон Мирзоев зикр кард, ки рӯзҳои охир ягон шахси гирифтори бемории фалаҷи ҳароммағз ба шифохонаҳо муроҷиат накардааст.
Дар шаҳри Истаравшан ҳунари шонасозӣ ривоҷи тоза меёбад
Имрӯз дар Тоҷикистон ҳаво то 40 дараҷа гарм мешавад
Имрӯз дар Тоҷикистон сар задани селҳои пиряхӣ аз эҳтимол дур нест
Имрӯз дар Тоҷикистон ҳавои тағйирёбанда дар назар аст
ҶАМЪБАСТИ НИШАСТҲОИ МАТБУОТӢ. Имрӯз дар Прокуратураи генералӣ, Вазорати молия, Кумитаи андоз, Агентии назорати давлатии молиявӣ ва мубориза бо коррупсия ва Агентии суғуртаи иҷтимоӣ ва нафақа нишасти матбуотӣ баргузор мегардад
«Анор»: Вақте шунидани овоз муҳимтар аст
Имрӯз дар Тоҷикистон ҳавои тағйирёбанда дар назар аст
НИШАСТИ МАТБУОТӢ. Аз корхонаҳои истеҳсолии ноҳияи Ёвон ба хориҷи мамлакат беш аз 134 ҳазор тонна семент содирот гардид
Ба Тоҷикистон ба маблағи беш аз 143 миллион доллар гандум ворид карда шудааст
