ПАРЛУМОНИ ТОҶИКИСТОН СОЗИШНОМАИ СҲШ-РО БА ТАСВИБ РАСОНД
Душанбе, 16 июн.(АМИТ «Ховар», Марзия Саидова).-16 июн палатаи поёнии парлумони Тоҷикистон Созишномаи ҳамкорӣ байни ҳукуматҳои давлатҳои аъзои Созмони Ҳамкории Шанхай /СҲШ/ дар мубориза бо гардиши ғайриқонунии яроқ, лавозимоти ҷангӣ ва моддаҳои таркандаро ба тасвиб расонд. Зимни шарҳи масъалаи мазкур Раиси Кумитаи давлатии амнияти миллии Ҷумҳурии Тоҷикистон Хайриддин Абдураҳимов гуфт, ки гардиши ғайриқонунии яроқ, лавозимоти ҷангӣ ва моддаҳои тарканда натанҳо ба амнияти Ҷумҳурии Тоҷикистон, балки ба амнияти давлатҳои аъзои СҲШ хатари ҷиддӣ дорад. Мавсуф зикр кард, ки Созишномаи мазкур бо мақсади андешидани тадбирҳои самаранок бар зидди гардиши ғайриқонунии яроқ, лавозимоти ҷангӣ ва моддаҳои тарканда, аз ҷониби ҳукуматҳои давлатҳои аъзои СҲШ моҳи августи соли 2008 дар шаҳри Душанбе ба имзо расида, он аз муқаддима ва 15 модда иборат аст. Дар Созишномаи мазкур мақсаду ҳадафҳои ҳамкории кишварҳои аъзои СҲШ дар самти пешгирии муомилоти ғайриқонунии яроқ, лавозимоти ҷангӣ ва моддаҳои тарканда инъикос гардидааст. Раиси Кумитаи давлатии амнияти миллии ҷумҳурӣ афзуд, ки тасдиқи Созишномаи мазкур аз ҷониби Тоҷикистон барои ҳамкории мақомоти салоҳиятдори Ҷумҳурии Тоҷикистон бо мақомоти салоҳиятдори давлатҳои дигари аъзои СҲШ дар ҷараёни баргузории чорабиниҳо ба муқобили гардиши ғайриқонунии яроқ, асоси ҳуқуқиро фароҳам меорад.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
