ПРЕЗИДЕНТИ ЭРОН БА ДУШАНБЕ МЕОЯД

Душанбе,  4 июн. (АМИТ «Ховар», Фарангис  Раҳимова ). —  Тибқи  хабари  дафтари  матбуоти   Вазорати корҳои  хориҷӣ,  Президенти  Ҷумҳурии  Исломии  Эрон  Маҳмуд  Аҳмадинажод  8  июн  барои боздиди  корӣ  ба  Душанбе  хоҳад  омад. 9  июн  мулоқоти  Президенти  Эрон  бо  Президенти  Ҷумҳурии  Тоҷикистон  Эмомалӣ  Раҳмон  баргузор  мегардад. Президенти  Эрон  ҳамчунин   зимни  сафар  дар  яке  аз  маҳфилҳои  Конфронси  байналмилалии  таҳлили  миёнамӯҳлати  ҷараёни  иҷрои тадбирҳои  Даҳсолаи   амалиёти  «Об  барои  зиндагӣ»  ширкат  меварзад, ки  аз  8 то  10  июн  дар   шаҳри  Душанбе баргузор  мегардад.