РАИСИ БОНКИ РУШДИ ЕВРАЗИЯ ТАЪИН ШУД

Душанбе,  8 июн. (АМИТ «Ховар»). —  Бо  фармони раиси  Ҳукумати  Русия  В.Путин  Игор Финогенов  раиси  Бонки  рушди  Евразия  таъин  карда  шуд.  Фармони  раиси  Ҳукумати  Русия   ба  натиҷаҳои   маҷлиси  Шӯрои   бонки  мазкур   вобаста  мебошад, ки   дар  он  ҳисоботи  роҳбарияти  бонк  дар  бораи  натиҷаҳои  фаъолияти он  дар  соли  2009  шунида, инчунин   масъалаи  интихоби  раиси  нави  бонкро  барои  чор  соли оянда  муҳокима  кард. Дар  маҷлиси  Шӯрои бонк    вазири  саноат  ва тиҷорати  Русия  Виктор  Христенко,   вазири  молияи  Қазоқистон  Болат  Жамишев,  ноиби  сарвазир,  вазири  саноат   ва технологияҳои нави  Қазоқистон  Асет  Исикешов, муовини  вазири энергетика ва сарватҳои табиии  Арманистон   Иосиф Исоян ва  вазири  молияи  Тоҷикистон  Сафаралӣ  Наҷмиддинов  иштирок  доштанд.