РАВОДИД ҚИМАТ ШУД

Душанбе, 14 июн. (АМИТ «Ховар», Лаззат Диловарзод).- Аз моҳи июни соли ҷорӣ арзиши ҳама намуди раводид барои кор, сайёҳӣ, таҳсил, муҳоҷирати кӯтоҳмуддат, барои ашхоси шомили барномаҳои мубодилавӣ 9 доллар зиёд шуд ва ба ҷойи 131 доллари то ин вақт роиҷ 140 доллар муқаррар гардидааст. Дар сафорат иброз доштанд, ки пардохтҳо барои  раводидҳои ғайримуҳоҷиратӣ дар бахши консулгарии ИМА дар Тоҷикистон бо асъори миллӣ ва доллари амрикоӣ қабул карда  мешаванд. Арзиши раводидҳои  навъи «H»,   «L», «O»,«Q», «P» ва  «R» -150 ва барои раводидҳои навъи «E» ва «K» то 390 доллари амрикоӣ зиёд карда мешаванд.