СОХТМОНИ ХОНАҲО ТЕЗОНИДА МЕШАВАД

Душанбе, 11 июн. (АМИТ «Ховар», Лаззат Диловарзод).- Бино ба иттилои  ҷонишини раиси шаҳри Душанбе Ҳокимҷон Шарипов, супоридани хонаҳои истиқоматӣ барои зарардидагони шаҳри Кӯлоб на 1- уми сентябр чунон ки пештар эълон гардида буд, балки аз 15 –уми июл оғоз мегардад. Бо ин мақсад дар сохтмони ин  хонаҳои истикоматӣ  9 ширкату ташкилот ва беш аз 92 корхонаю   ва муассисаҳои шаҳри Душанбе  ҷалб карда шудаанд. Айни замон дар сохтмони хонаҳои истиқоматии шаҳраки рақами 3 шаҳри Кӯлоб беш аз 700 нафар сохтмончӣ ба кор ҷалб карда шудааст. Ба иттилои ҳамин  манбаъ, бо қарори шаҳрдории шаҳри Душанбе дар ин шаҳраки навбунёд 120 хона сохта ба истифода дода мешавад. Дар баробари ин аз ҳисоби дигар сарчашмаҳои маблағгузоришаванда ширкати «Тоҷиксохтмон — байналмилал» боз 10 хонаи иловагӣ сохта ба истифода  медиҳад.