СУРАТҲИСОБИ ДАСТГОҲИ РАИСИ ШАҲР КУШОДА ШУД

Душанбе, 29 июн.(АМИТ «Ховар», Марзия Саидова).-Дар асоси Қарори Раиси шаҳри Душанбе Маҳмадсаид Убайдуллоев суратҳисоби хосаи дастгоҳи Раиси шаҳри Душанбе таҳти рақами 202049728220101100015, PMA 020007879, ҳисоби корреспондентӣ 22402972000002, БИК 350101101, код 0190100 дар назди Раёсати хазинадории Сарраёсати молияи шаҳри Душанбе кушода шуд. Суратҳисоби мазкур барои дастгирии молиявии омодагии шаҳри Душанбе баҳри сазовор таҷлил намудани ҷашни  20 –умин солгарди  истиқлолияти давлатии Ҷумҳурии Тоҷикистон ҷиҳати воридоти маблағҳои ройгонии мақомоти  давлатӣ, субъектҳои хоҷагидорӣ, иттиҳодияҳои ҷамъиятӣ, соҳибкорони инфиродӣ, шаҳрвандон ва маблағҳои аз ҳашарҳои  умумишаҳрӣ ба даст омада, кушода шудааст. Дар робита аз роҳбарони субъектҳои дар боло зикршуда, хоҳиш карда шудааст, ки бо назардошти имкониятҳои молиявӣ тибқи қонунгузории муқарраргардида ҳар моҳ ба андозаи то 2 % -и маблағҳои  фоидаи андозбандишаванда  ва субъектҳои соҳибкории хурд, ки бо тарзи соддакардашуда андоз месупоранд ба андозаи то 1 % аз даромади андозбандишаванда,  ба суратҳисоби мазкур маблағ гузаронанд.