ТӮИ СУННАТИИ ФАРЗАНДОНИ ОИЛАҲОИ КАМБИЗОАТ

Хоруғ, 2 июн. (АМИТ «Ховар», Л.Додоев). —  Мақомоти  иҷроияи ҳокимияти  давлатии шаҳру  ноҳияҳои  Вилояти  Мухтори  Кӯҳистони  Бадахшон барои расонидани  кӯмак  ба оилаҳои  кмбизоат  аз тамоми  имкониятҳо  истифода  мебаранд.  1  июн  дар  маркази  ноҳияи  Ишкошим  ба  шарафи  Рӯзи  байналмилалии  ҳифзи  кӯдакон  тӯйи  суннатии  36  нафар   фарзандони  оилаҳои  камбизоат  ва бесаробон ташкил  карда шуд. Маблағи  хароҷоти  маърака  бештар  аз  7  ҳазор  сомониро ташкил  дод, ки  аз  ҳисоби   маблағи   буҷети  маҳаллӣ  ва  вилоятӣ  пардохта  шуд. Тӯи  суннатии  фарзандони  хонаводаҳои  камбизоат бошукӯҳ ва  хотирмон   гузашт.  Дастаҳои  ҳунарии  маҳаллӣ  хотири  ҷамъомадагон  ва  иштирокчиёни тӯйро  шод  гардонданд. Намояндагони  мақомоти  иҷроияи  ҳокимияти  давлатии  маҳаллӣ ба  бачагон   тӯҳфаҳои  қиматбаҳо  тақдим  намуданд.