ТОҶИКИСТОН ДАР ФЕСТИВАЛИ «ЗАНБӮРЧАИ ТИЛЛОӢ» САЗОВОРИ ҶОИ ДУЮМ ГАРДИД
Душанбе, 4 июн. (АМИТ «Ховар», Лутфия Эшонқулова).- Иштирокчиёни Фестивали байналмилалии эҷодиёти кӯдакон «Занбӯрчаи тиллоӣ» — хонандагони мактаб-интернати миёнаи махсуси мусиқии ҷумҳуриявии ба номи М. Атоев Ҷонафзо Бурҳонова ва Айнулло Бўризода бо дастовез ба ватан баргаштанд. Дар ин фестивал, ки аз 26 то 31-уми май дар шаҳри Климовичи Ҷумҳурии Белорус доир гардид, онҳо фаъолона ширкат варзида, дар байни 18 кишвари ҷаҳон дар бахши сурудҳои анъанавӣ сазовори ҷойи дуюм гаштанд ва бо диплому тўҳфаҳои хотиравӣ қадрдонӣ шуданд. Тавре ба мухбири АМИТ «Ховар» аз маркази матбуоти Вазорати фарҳанги ҶТ хабар доданд, бо ин мақсад имрўз Вазири фарҳанги Ҷумҳурии Тоҷикистон Мирзошоҳрух Асрорӣ ғолибонро ба ҳузураш пазируфта, онҳоро бо муваффақиятҳояшон табрик намуд. Ҳамчунин, роҳбари ҳайати намояндагони Тоҷикистон Хосият Шарипова дар сўҳбат бо Вазири фарҳанг аз таассуротҳояш иброз дошта, зикр намуд, ки чун Тоҷикистон дар ин фестивал бори аввал иштирок намуд, онҳоро масъулин ва иштирокчиёни ҷашнвора хеле хуш қабул карданд. Дар хотима, вазири фарҳанг ғолибони фестивалро барои саъю кўшиши бештар ҳидоят карда, таманно намуд, ки дар оянда низ ғолибият насибашон гардаду парчамбардори Тоҷикистон бошанд.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
