УСУЛИ НАВИ НИГОҲ ДОШТАНИ ГАРМӢ

Июнь 3, 2010 10:20

Душанбе,  3 июн. (АМИТ «Ховар», Людмила  Дубинина). —  Созмони  экологии  «Замини  хурд» пешниҳод  мекунад, ки  барои  муддати  тӯлонӣ  нигоҳ  доштани  гармӣ  дар   дохили  биноҳо  шишаи  махсуси нигаҳдорандаи гармӣ  истифода бурда шавад. Мудири  иҷроияи   созмон Темур  Идрисов  зикр  кард, ки  дар  Тоҷикистон  ва  хусусан  пойтахти он  – шаҳри  Душанбе ба  мавриди  истифода  қарор  додани роҳу  воситаҳои  нигоҳ доштани гармӣ  умуман  таваҷҷӯҳ  зоҳир  карда  намешавад.  Аз  ин  рӯ дар  пойтахти  мамлакат  масрафи   гармӣ  дар  як  метри  мураббаъ   нисбат ба   мамлакатҳои  Аврупо  5  маротиба   бештар  гармӣ  сарф  карда  мешавад.  Т.Идрисов   зикр  намуд, ки   қисми  зиёди  гармии  дохили  ҳуҷраҳо  маҳз  ба  воситаи тиреза  хориҷ  мегардад.  Бинобар  ин   зимни  сохтмони  биноҳо ба   сифат  ва  хусусияти  тиреза   диққати  махсус  додан  лозим  аст.  Вақтҳои  охир  мардум  бештар  — тирезаҳои  пластикиро  истифода  мебаранд. Ҳол он  ки   тирезаҳои  пластикӣ  низ  воситаи  нигаҳдорандаи  гармӣ  нестанд. Темур  Идрисов   изҳор  намуд, ки   ин  масъаларо  бо  роҳи  истифодаи  шишаҳои  махсуси  сарфакунандаи   гармӣ  ва   нигаҳдорандаи он ҳал  кардан  мумкин  аст. Яъне  зимни  сохтани  тирезаи  биноҳо шишаҳоеро  истифода бурдан  лозим  аст, ки  ба  онҳо  маҳлули   махсуси  дорои электронҳои  озоди  фулузоти ранга  пошида  шудаанд. Чунин  шишаҳо  дар  фасли  зимистон  гармиро  дар  дохили  ҳуҷра  муддати тӯлонӣ  нигоҳ медоранд. Дар  фасли  гармо бошад,   шишаҳои  мазкур   мавҷи  гармии  беруниро  инъикос  намуда,  дохили  ҳуҷраро  салқин  мегардонанд. Чунин   шишаҳо  солҳои охир  дар   баъзе  мамлакатҳои  Ғарб  истифода  бурда  мешаванд.

Июнь 3, 2010 10:20

Хабарҳои дигари ин бахш

Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд