ЁРӢ БА ЗАРАРДИДАГОНИ МИНТАҚАИ КӮЛОБ

Роғун,1 июн .(АМИТ»Ховар»,Зебо Давлатова). — Боиси хурсандист,ки дар ҷумҳӯрии мо мардуми сарбаланди  тоҷик дар лаҳзаҳои мушкил дасти якдигарро гирифта боиси рӯҳафтода нашудани якдигар мегарданд.Ҳодисаи табие ,ки бар асари офати  табии бар сари сокинони минтақаи Кӯлоб ба амал омад,ягон фарди ватандӯстро бетараф нагузошт.Дар ин ҳодисаи мудҳиш сокинони шаҳри Роғун низ бетараф наистоданд ва мувофиқ ба имкониятҳои хеш ёрии беғаразонаи  худро расонида истодаанд.  Тавре,ки ба хабарнигори АМИТ»Ховар» сардори шӯъбаи сохтмони асосии шаҳр Музаффар Абдиев иттилоъ дод,аз рӯзи фоҷиаи ба амал омада аз ҷониби мақомоти маҳаллии давлатии шаҳри Роғун ба зарардидагони ин минтақа ба маблағи 20 ҳазор сомонӣ маводи хӯрока аз қабили орд,равған, биринҷ,картошка,макарон ва ашёҳои рӯзғор равон карда шуд. Дар сохтмону азнавбарқарорсозии ҷойҳои аз офати табии зарардида ҶСК»Госпестрой»роҳбараш,НеъматуллоЗайдов,ҶСК-НБО-и Роғун роҳбараш Нурулло Шулашов,ҶСШК-Хайрулло Асоев саҳми босазо гирифтанд.Ҳар як корхонаи номбаршуда аз ҳисоби маблағҳои худӣ техникаҳоро бо сӯзишворӣ таъмин намуданд ва ба минтақаи зарардида фиристоданд, Музаффар Абдиев афзуд,ки мақомоти маҳаллии давлатии шаҳри Роғун тасмим гирифтааст,ки то моҳи сентябр ба зарардидагон -4 адад хонаи истиқоматӣ сохта ба истифода диҳад. Айни замон сохтмони  ду адад хона дар маҳаллаи навбунёд аз ҷонибиҶДММ»Осоиш» роҳбараш Шамсулло Ҷароилов дар якҷоягӣ бо 20 нафар коргар сохтмонро оғоз намудаанд.Коргарон бо семент,тахта, шифер ва шағал таъмин карда шудаанд.Маблағи ҳар як бинои сохташуда 190 ҳазор сомониро ташкил дода аз тарафи мақомоти иҷроияи шаҳр бо дастгирии раиси шаҳри Роғун пардохт карда шуда истодааст.