ҚАБУЛИ ШАҲРВАНДОН АЗ ТАРАФИ СУДҲО

Кӯлоб, 27 июл.( АМИТ «Ховар», Сулаймон  Холов). — Баъд аз Паёми Президенти ҷумҳурӣ Эмомалӣ Раҳмон ба Маҷлиси Олӣ оиди қабули шаҳрвандон натиҷаҳои мусбат ба бор овард. Дар ин замина роҳбарони аввали вазорату идораҳо, мақомоти ҳифзи ҳуқуқ, раисони вилоят, шаҳру ноҳияҳо ва роҳбарони ташкилоту муассисаҳои давлатӣ бо камоли масъулият қабули шаҳрвандон ва баррасии арзу шикояти онҳоро чун нақшаи кори худ дар фаъолияташон ба роҳ монданд.  Дар доираи супориши Сарвари давлат дар сеюмин шаҳри калонтарини ҷумҳурӣ, шаҳри Кӯлоб қабули шаҳрвандон ҳар ҳафта рӯзҳои шанбе ба роҳ монда шуда аст. Раиси шаҳр Ҳамид Абдуллоев ҳар ҳафтар беш аз 100 – 130 нафар шаҳрвандонро қабул мекунад. Ҳафтаи сипари гашта раиси шаҳр беш аз 150 нафар шаҳрвандонро қабул карда, арзи кадоми онҳоро шунид. Зимни қабули раис баъзе масъалаҳо дар толор ҳалли мусбати худро меёфтанд. Аксари шаҳрвандон оид ба ҷудо намудани қитъаи замин, бунёди манзили зист муроҷиат мекарданд, ки талаби онҳо вобаста бо имконоти дошта қонеъ карда мешуд, оид ба баъзе масъалаҳо бошад онҳо ҷавоби рад мегирифтанд. Ба ин тартиб ҳар ҳафта рӯзҳои шанбе раиси шаҳри Кӯлоб Ҳамид Абдуллоев қабули шаҳрвандонро ба роҳ монда, даҳҳо нафар истиқоматкунандагони шаҳру деҳот ва берун аз онро ба ҳузур пазируфта, перомуни муроҷиати онҳо тадбирҳои муассир меандешад.