1900 ДАСТНАВИС БА CD НУСХАБАРДОРӢ ШУДАНД

Душанбе, 14 июл. (АМИТ «Ховар», Лутфия Эшонқулова).- Дар Пажӯҳишгоҳи зоология ва паразитологияи Академияи илмҳои Ҷумҳурии Тоҷикистон навъ ва намудҳои хомӯшакҳои дуболаи минтақаҳои истироҳатии Тоҷикистони марказӣ муайян карда шуд, ки  62 намуди онҳо, аз  ҷумла 20 намуди мокретсҳо, 9 намуди хомӯшакҳо, 9 намуди москитҳо, 4 намуди мошкаҳо ва 20 намуди хармагасҳоро дар бар мегирад. Дар ин бора зимни нишасти матбуотии Академияи илмҳои ҶТ, имрӯз, 14 июл сухан рафт. Ҳамчунин,  дар ҷамъомад муҳимтарин натиҷаҳои илмии тадқиқоти муассисаҳои илмии АИ ҶТ дар нимсолаи аввал таҳлил ва ҷамъбаст карда шуд. Хабар дода шуд., ки мутахассисони Пажӯҳишгоҳи шарқшиносӣ ва мероси хаттӣ 1900 дастнавис аз тариқи аксбардорони рақамӣ ба фитаҳои CD нусхабардорӣ карда шуданд. Дар баробари ин ҳамаи нусхаҳои аксбардоришуда аз нав рақамгузорӣ   гардида, ҳолати нигаҳдорӣ ва зарурати тармиму безараргардонии онҳо муайян карда, чораҳои зарурӣ андешида шуд.