БА БУҶАИ ШАҲР ВОРИД ШУДАНИ 11 МЛН. 811 ҲАЗОР СОМОНӢ

Душанбе, 21 июл. (АМИТ «Ховар», Лаззат Диловарзод).- Буҷаи шаҳр аз ҳисоби даромади корхонаю идораҳо  сол то сол зиёд мегардад,- иброз дошт раиси шаҳри Ваҳдат Анвари Вайсиддин дар нишасти матбуотӣ ба хабарнигорон. Тибқи маълумоти омории шаҳри Ваҳдат, дар давоми шаш моҳи соли ҷорӣ аз ҳисоби даромади корхонаҳо ба буҷаи шаҳр 11 млн. 811,2 ҳазор сомонӣ маблағ ворид шудааст, ки он  баробари 106 фоизи нақша буда, нисбат ба ҳамин давраи соли 2009  3 млн. 329,6 ҳазор сомонӣ зиёд аст. Ҳукумати шаҳр ҳангоми маблағгузорӣ моддаҳои ҳимояшавандаи музди меҳнат, суғуртаи иҷтимоӣ, нафақа, стипендия, кӯмакпулӣ ва ҷубронпулиҳо               барои истифодаи қувваи барқу газро дар  мадди аввал гузошта, хароҷоти беҳуда аз қабили сафарҳои хизматӣ, таъмири капиталӣ, чорбиниҳои сермасраф, кам кардани нуқтаҳои телефонҳои идоравӣ ва маводи кансе ляриро маҳдуд намуд, ки ҳамаи он барои саривақт додани маоши коргарону хизматчиён мусоидат намуд. Фаъолияти меҳнатии сокинони ноҳия дар ҷамъбасти шашмоҳа аз ҷониби Президенти кишвар қадрдонӣ шуд, ки ин худ ҷавоб  ба  заҳмати пурсамари шабонарӯзии ҳамаи сохторҳои хоҷагидории шаҳру ноҳия мебошад,- афзуд раис дар баромади худ. Сипас ба саволҳои хабарнигорон   роҳбарони сохторҳои марбута ҷавоб гуфтанд, ки ин ҳам як шакли иҷрои Қонун дар бораи додани иттилоот мебошад.    Конфронс дар фазои ҳамдигарфаҳмӣ  хуб ҷамъбаст гардид.