ДАР КӮЛОБ ҲАМ БА КОРТҲОИ ПЛАСТИКӢ МЕГУЗАРАНД
Душанбе, 26 июл. (АМИТ «Ховар», Лаззат Диловарзод).- Бино ба иттилои бахши робита бо ҷомеаи Вазорати меҳнат ва ҳифзи иҷтимоӣ, дар назар аст, ки то охири соли равон нафақагирони шаҳрҳои Кӯлоб, Қӯрғонтеппа ва ноҳияҳои Исмоили Сомонӣ, Сино, Фирдавсӣ ва Шоҳмансури шаҳри Душанбе, ки теъдоди онҳо 59 ҳазору 89 нафарро ташкил медиҳанд, нафақаи худро тавассути кортҳои бонкӣ дарёфт менамоянд. Боис ба ёдоварист, ки Вазорати меҳнат ва ҳифзи иҷтимоии аҳолӣ дар ҳамдастӣ бо Бонки давлатии амонатгузории Ҷумҳурии Тоҷикистон — «Амонатбонк» ба тариқи таҷриба дар Оҷонсии рақами 3-и шӯъбаи «Амонатбонк» -и ноҳияи Синои шаҳри Душанбе пардохти нафақа ва кӯмакпулиҳоро ба нафақагирон тавассути кортҳои пластикии бонкӣ ба роҳ мондааст. То имрӯз 50 фоизи кортҳои бонкии нафақагирони шаҳри Қӯрғонтеппа ва 30 фоизи нафақагирони шаҳри Кӯлоб барои ба муҳофизаи интернетӣ ҷой намудан омода шудаанд. То 20 – уми июли соли равон теъдоди асноди ҷамъоваригардида ва омодашудаи нафақагирон 38 ҳазору 174 ададро ташкил медиҳад, ки аз он 30 ҳазору 978 ададаш ба компютер ворид карда шудааст.








Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст






