КОНФРОНСИ БАЙНАЛХАЛҚӢ АНҶОМ ЁФТ
Душанбе, 21 июл. (АМИТ «Ховар»). — Имрӯз дар пойтахти Давлати Исломии Афғонистон — шаҳри Кобул конфронси байналхалқӣ ба охир расид. Дар он намояндагони 60 мамлакати ҷаҳон ва 12 созмони байналмилалӣ иштирок намуданд. Дар конфронс вазъияти имрӯзаи Афғонистон, минтақа, тадбирҳои мамлакатҳои ҷаҳон барои ба эътидол овардани вазъияти Афғонистон, таъмини сулҳу амният ва субот дар ин мамлакати ҷангзада муҳокима шуданд. Дар конфронс ҳайати Ҷумҳурии Тоҷикистон таҳти роҳбарии вазири корҳои хориҷӣ Ҳамрохон Зарифӣ ширкат варзид. Ҳамрохон Зарифӣ зимни суханрониаш дар бораи мавқеи роҳбарияти ҷумҳурӣ дар масъалаи ба эътидол овардани вазъияти Афғонистон, ҳалли проблемаҳои он ва таъмини сулҳу субот дар ин мамлакати ҳамсоя маълумот дод. Конфронс баъди чошти имрӯз анҷом ёфт. Президенти Давлати Исломии Афғонистон Ҳамид Карзай ва Муншии умумии СММ Пан Ги Мун дар ҷараёни нишасти матбуотӣ аз натиҷаҳои конфронс изҳори қаноатмандӣ намуданд.
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
Имрӯз дар баъзе минтақаҳои Тоҷикистон борон меборад
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
