КОРХОНАИ НАВ

Истаравшан, 8 июл. (АМИТ «Ховар», Санавбар  Мақсудова). —  Дар  маркази  шаҳри  Истаравшан  бинои  нави   сеошёнаи  Маркази  хизматрасонии «Садбарг» қомат  афрохт, ки  онро  соҳибкори  маҳаллӣ Шавкат  Аюбов  бунёд  намудааст. Муовини раиси  шаҳри  Истаравшан Ҳаким  Бобоев  хабар  дод, ки  барои сохтмони маркази  хизматрасонӣ  бештар  аз  1  миллион  сомонӣ сарф  шуд Маркази  хизматрасонӣ  боғчаи  бачагонро  барои  50  нафар,  майдончаҳои  бозии  бачагона, меҳмонхонаи  дорои  22  кати  хоб,  мағозаи  хӯрокворӣ,   ошхона,  ҳаммомҳои   мардонаю  занона, ороишгоҳи  занона ва  ғайраро  муттаҳид месозад. Соҳиби  корхона Шавкат  Аюбов  зикр  намуд, ки  дар  ин  ҷо  150  нафар  бо  кори  доимӣ  таъмин  карда шуд. Мо  бо  ҳамин  роҳ  дар  ободии  шаҳру  деҳоти  мамлакат,  беҳтар  сохтани  шароити  зиндагии  мардум ва  рушди  соҳибкорӣ  саҳм  мегузорем,  гуфт  вай.