МАҶЛИСИ ШӮРОИ РОҲБАРОНИ МУАССИСАҲОИ АЛОҚАИ ТЕЛЕФОНӢ
Душанбе, 8 июл. (АМИТ «Ховар», Кристина Эрлих). — Имрӯз дар Душанбе маҷлиси муштараки Шӯрои роҳбарони муассисаҳои алоқаи телефонии барқии минтақавӣ ва Комиссияи муассисаҳои алоқаи телефонӣ анҷом ёфт. Дар он муовини вазири нақлиёт ва алоқаи Ҷумҳурии Тоҷикистон Бег Зуҳуров, директори генералии Кумитаи иҷроияи Иттифоқи минтақавии алоқа Нуриддин Муҳиддинов, директори генералии Ҷамъияти саҳҳомии «Белтелеком» Константин Тикар, директори генералии Ҷамъияти саҳҳомии «Ростелеком» Антон Колпаков, раиси Ҷамъияти саҳҳомии «Қирғизтелеком» Марат Мамбеталиев, саркоршиноси раёсати сиёсати давлатӣ дар соҳаи алоқаи Вазорати алоқа ва иттилооти Қазоқистон Ғарифулло Алманбетов, роҳбари гурӯҳи Иттиҳоди истеҳсолии «Озтелеком» Соҳиб Юсуфов ва дигарон ширкат варзиданд. Дар маҷлис муовини вазири нақлиёт ва алоқаи ҷумҳурӣ Бег Зуҳуров ва директори генералии Ҷамъияти саҳҳомии «Тоҷиктелеком» Музаффар Ҳимматов маърӯза карданд. Онҳо дар бораи таърихи соҳаи алоқаи телефонӣ дар Тоҷикистон ва тадбирҳои Ҳукумати мамлакат барои рушди соҳаи алоқа сухан ронданд. Қайд карда шуд, ки Ҳукумати ҷумҳурӣ миёнаҳои солҳои 90 – уми асри гузашта Барномаи миллии рушди алоқаи телефониро қабул кард. Солҳои охир дар Тоҷикистон силсилаи ҳуҷҷатҳои меъёрию ҳуқуқӣ қабул гардиданд, ки ба истифодаи технологияҳои навтарини иттилоотӣ ва алоқа марбут мебошанд. Ба туфайли ин теъдоди муассисаҳои алоқаи телефонӣ дар мамлакат сол то сол меафзояд. Тӯли солҳои охир шумораи хеле зиёди муассисаҳои алоқаи телефонӣ хусусӣ гардонида шуданд. Сипас дар маҷлис бахшида ба соҳаҳои гуногуни алоқаи телефонӣ, роҳу усулҳои такмил додани он, мавриди истифода қарор додани намудҳои нави хизматрасонии алоқа, ташкили шабакаи байналмилалии алоқаи хизматӣ, самтҳои асосии рушди шабакаи пахши барномаҳои рақамӣ дар Белорусия, пешниҳодҳо дар бораи таъсиси ҳукумати электронӣ ва ғайра маърӯзаҳо хонда шуданд.
Барои хатмкунандагони муассисаҳои таҳсилоти миёнаи умумӣ ва таҳсилоти ибтидоӣ ва миёнаи касбӣ омӯзиши забони олмонӣ оғоз меёбад
Дурнамо ва густариши ҳамкорӣ байни Тоҷикистон ва Покистон баррасӣ гардид
Далер Наимов: «Дастаи мо аз шахсони зираку кордон иборат аст»
Имрӯз дар Душанбе ҳавои камабри бебориш дар назар аст
Дар шаҳри Истаравшан ҳунари шонасозӣ ривоҷи тоза меёбад
Имрӯз дар Тоҷикистон ҳаво то 40 дараҷа гарм мешавад
Имрӯз дар Тоҷикистон сар задани селҳои пиряхӣ аз эҳтимол дур нест
Имрӯз дар Тоҷикистон ҳавои тағйирёбанда дар назар аст
ҶАМЪБАСТИ НИШАСТҲОИ МАТБУОТӢ. Имрӯз дар Прокуратураи генералӣ, Вазорати молия, Кумитаи андоз, Агентии назорати давлатии молиявӣ ва мубориза бо коррупсия ва Агентии суғуртаи иҷтимоӣ ва нафақа нишасти матбуотӣ баргузор мегардад
«Анор»: Вақте шунидани овоз муҳимтар аст
Имрӯз дар Тоҷикистон ҳавои тағйирёбанда дар назар аст
