МАШОӢ ХИШТИ НАХУСТИНИ «ХОНАИ ЭРОН»-РО ГУЗОШТ
Душанбе, 12 июл.(АМИТ «Ховар», Марзия Саидова).- Дар маҳаллаи «Гулистон»-и пойтахт хишти нахустини бинои «Хонаи Эрон» гузошта шуд. Дар маросими гузоштани хишти нахустини биноми мазкур Роҳбари Дастгоҳи Президенти Ҷумҳурии Исломии Эрон Исфандиёр Раҳим Машоӣ, Сафири Ҷумҳурии Исломии Эрон дар Ҷумҳурии Тоҷикистон Алиасғари Шеърдӯст ва эрониёни муқими Тоҷикистон ширкат доштанд. Назар ба иттилоъи масъули бахши матбуоти Сафорати Эрон дар Душанбе Ҳусайн Ширхонӣ, «Хонаи Эрон» аз якчанд толор барои гузаронидани намоишгоҳҳо ва ҳамоишу чорабиниҳои фарҳангӣ иборат буда, дар масоҳати 25 ҳазор метри мураббаъ бунёд карда хоҳад шуд. «Хонаи Эрон» нахустин марказест, ки дар хориҷ аз Эрон, дар Душанбе сохта шуда, он дар шинохту муаррифии таъриху фарҳанг ва тамаддуни Эрон ба халқу миллатҳои гуногуни сокини Тоҷикистон мусоидат менамояд. Дар назар аст, ки Раиси Дастгоҳи Президенти ҶИЭ Исфандиёр Раҳим Машоӣ 12 июл бо Президенти Ҷумҳурии Тоҷикистон Эмомалӣ Раҳмон, Сарвазири ҷумҳурӣ Оқил Оқилов, Вазири корҳои хориҷии ҷумҳурӣ Ҳамрохон Зарифӣ ва вазири фарҳанги ҷумҳурӣ Мирзошоҳрух Асрорӣ дидору мулоқот намуда, масъалаҳои тақвияти ҳамкориҳои ду кишварро дар бахшҳои гуногун баррасӣ хоҳад кард.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






