МОШИНСОЗОНИ УРАЛСК ВА ТОҶИКИСТОН ҲАМКОРӢ МЕКУНАНД
Душанбе, 21 июл. (АМИТ «Ховар»). – Намояндагони ваколатдори корхонаиҳои мошинсозии «АМУР» — и шаҳри Новоуралски вилояти Свердлови Русия ва «Хуҷанд – ЗИЛ» — и Тоҷикистон дар бораи кушодани корхонаи муштарак ва ба фурӯш баровардани мошинҳои сохти «АМУР» протокол имзо карданд. Корхонаи «Хуҷанд – ЗИЛ» ташкили фурӯши мошинҳои «АМУР» — ро дар қаламрави мамлакатҳои Осиёи Марказӣ, Эрон, Афғонистон ва Покистон, ташкили маркази хизматрасониро дар Тоҷикистон ба зиммаи худ гирифт. Мухбири АМИТ «Ховар» хабар медиҳад, ки моҳи августи соли равон намоиши тамоми навъҳои мошинҳои сохти «АМУР» ташкил карда мешавад. Президенти Ҷумҳурии Тоҷикистон Эмомалӣ Раҳмон ҳам ба намоишгоҳи мазкур даъват шудааст. Ба намоишгоҳи мазкур аллакай 20 мошини боркаш фиристода шуд, ки дар муддати кӯтоҳ ба фурӯш рафт. Рӯзҳои наздик ба ин ҷо боз 70 мошини дигар фиристода мешавад. Корхонаи «АМУР» дар вилояти Свердлов дар заминаи филиали собиқи корхонаи мошинсозии ба номи Лихачёв бунёд ёфтааст. Корхона мошинҳои боркаш, коммуналӣ ва мошинҳои махсус месозад.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






