МУЛОҚОТИ РАИСИ ВИЛОЯТ БО СОКИНОНИ МАҲАЛЛӢ
Айнӣ, 8 июл. (АМИТ «Ховар», Санавбар Мақсудова). — Раиси вилояти Суғд Қоҳир Расулзода 6 июл дар ноҳияи Айнӣ сокинони маҳаллиро қабул намуда, аз мушкилоти зиндагии онҳо огоҳ шуд. Муовини раиси ноҳияи Айнӣ Гулчеҳра Саъдуллоева ба АМИТ «Ховар» хабар дод, ки ҳамон рӯз раиси вилоят 70 сокини маҳаллиро ба ҳузур пазируфт. Корафтодагон асосан масъалаҳои тармими муассисаҳои тиббию маориф, фарҳангӣ ва сохтмони синфхонаю мактабҳои навро ба миён гузоштанд. Аз ҷумла пешниҳод шуд, ки дар деҳаи дурдасти Анзоб барои бачагони ятим мактаб – интернат сохта шавад. Сокинони ноҳия ҳамчунин хоҳиш карданд, ки барои муассисаҳои табобатӣ асбобу анҷом ва таҷҳизоти тиббӣ харида, мавриди истифода қарор дода шавад. Қ.Расулзода баъдан дар ҷараёни маҷлиси фаъолони ноҳия супориш дод, ки барои ҳисобу китоби маблағҳои зарурӣ бо мақсади сохтмон ва таъмири муассисаҳои фарҳангу маориф ва тиб комиссияи махсус ташкил карда шавад. Инчунин супориш дода шуд, ки дар давоми як моҳ ба муассисаҳои табобатии ноҳия як дастгоҳи ташхиси ултрасадо, як дастгоҳи эндоскопӣ ва як дастгоҳи рентгени даҳону дандон харида дастрас гардонида шавад. Бояд гуфт, ки дар ноҳия танҳо як дастгоҳи ташхиси ултрасадои кӯҳнаю фарсуда мавҷуд аст ва он талаботи мизоҷонро ба ҷо оварда наметавонад. Бинобар ин корафтодагон ночор бояд барои ташхиси саломатиашон ё ба Хуҷанд ё ба Душанбе раванд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






