МУЗДИ МАОШИ КОРГАРОН 48,8 СОМОНӢ ЗИЁД ШУД

Душанбе, 26 июн. (АМИТ «Ховар», Лаззат Диловарзод).-  Аз дастгоҳи раиси шаҳри Ваҳдат ба мухбири АМИТ «Ховар» иттилоъ доданд, ки дар соҳаҳои хоҷагии шаҳр дар шаш  моҳи аввали соли ҷорӣ 13 ҳазору 78 нафар коргарон кор карда, ба онҳо ба маблағи 14 млн 538  ҳазор сомонӣ музди меҳнат дода шудааст, ки он нисбат ба ҳамин давраи соли гузашта 3 млн. 546,7 ҳазор сомонӣ зиёд аст. Ҳисоби миёнаи музди меҳнат ба як коргар 223,3 сомонӣ рост меояд, ки ин нишондиҳанда нисбат ба ҳамин давраи соли гузашта 48,8 сомонӣ зиёд аст. Бино ба иттилои ҳамин манбаъ, ҳисоби миёнаи музди меҳнат дар соҳаи саноат 378  сомонӣ, сохтмон- 278, нақлиёт – 218, 7, кишоварзӣ — 89, 5, тандурустӣ — 184,4, маориф – 239, хизматрасонӣ — 273, бонкҳо – 541 геологҳо 366 сомониро ташкил дод.