НИШАСТИ МАТБУОТӢ ДАР ШАҲРИНАВ

Шаҳринав,28 июл.(АМИТ « Ховар», Ҳотам Рабиев). — «Мо тамоми саъйю кӯшишро   ба он равона кардаем,ки  нақшаи кишти  такрориро, ки 2 ҳазору 489 гектарро ташкил медиҳад, дар рӯзҳои  наздик ба анҷом   расонем,- гуфт зимни  нишасти матбуотӣ раиси ноҳияи  Шаҳринав  Раҳматуллои  Пӯлод. Дар нишасти матбуотӣ  кормандони мақомоти  иҷроия, намояндагони мақомоти  қудратӣ,  раисони ҷамоатҳо  ҳузур доштанд. Соҳаи чорводорӣ яке аз соҳаҳои  асосии кишоварзии ноҳия  буда, дар нимсолаи аввал  дар ҳамаи  шаклҳои  хоҷагидорӣ 4643,1 тонна шир, 481,8 тонна гӯшт, 7095 ҳазор дона  тухм истеҳсол карда  шуд, ки  нисбат ба ҳамин  давраи соли  гузашта   мутаносибан шир 0,4 тонна, гӯшт 11,1 тонна, тухм 707  ҳазор дона  зиёд мебошад.Саршумори чорво  ва парранда  нисбат ба  ҳамин давраи  соли гузашта зиёд шудааст. Таъмини амнияти  озуқавории мамлакат  ба истеҳсоли   ғалладона  вобастагии зич  дорад. Соли ҷорӣ  дар ҳамаи  шаклҳои  хоҷагидорӣ дар масоҳати ҳазору 400 гектар ғалладона кишт карда   шуд.