НИШАСТИ МАТБУОТӢ ДАР ВАЗОРАТИ КИШОВАРЗӢ
Душанбе, 21 июл. (АМИТ «Ховар», Лаззат Диловарзод).- Дирӯз дар Вазорати кишоварзӣ оид ба натиҷаҳои фаъолияти вазорат дар нимсолаи аввали соли 2010 нишасти матбуотӣ доир гардид. Дар нишаст 32 нафар намояндагони васоити ахбори омма, сардорони раёсатҳо ва роҳбарони зерсохторҳои вазорат ширкат варзиданд. Нишасти матбуотиро бо сухани ифтитоҳӣ сармутахассиси шӯъбаи матбуот ва иттилооти вазорат А.Р. Каримова ҳусни оғоз бахшида, оид ба ҳамкориҳои вазорат ва васоити ахбори омма ба иштирокчиён мухтасар маълумот дод. Сипас муовини вазири кишоварзӣ С.И. Исроилов оид ба ҷамъбасти фаъолияти вазорат дар шаш моҳи аввали соли ҷорӣ ва татбиқи сиёсати аграрии Ҳукумати ҷумҳурӣ, дастуру супоришҳои Сарвари давлат ба кишоварзони мамлакат, ҳаҷми истеҳсоли маҳсулот, содироту воридоти маҳсулоти кишоварзӣ, кишти тирамоҳӣ ва баҳории зироатҳои ғалладонагӣ, кишти пахта, сабзавоту зироатхои полезӣ, бунёди боғу токзори нав, таъмини соҳа бо техника, муборизаи зидди малах, соҳаи чорводорӣ, дастовардҳои олимони соҳа ва дигар масъалахои мубрами рӯз муфассал маълумот дод. Дар раванди нишаст асоси пурсишҳои рӯзноманигоронро таъмини бозорхои кишвар бо меваю сабзавоти истеҳсоли дохилӣ, фурӯши гӯшти паррандаи истеҳсоли ватанӣ, таъсири боздошти қатораҳо дар ҷумҳурии ҳамсоя ба соҳаи кишоварзии ҷумхурӣ, бунёди боғу токзор, додани замин ба шаҳрвандони хориҷи кишвар, мубориза бар зидди малах, таъмини аҳолӣ бо гандуми истеҳсоли худӣ ва дигар масъалаҳои мубрами рӯз дар бар гирифт. Ба ҳамаи саволҳо, дархосту пешниҳоди намояндагони васоити ахбори оммаи ватанию хориҷӣ муовини вазири кишоварзӣ С.И. Исроилов, президенти Академияи илмхои кишоварзии Тоҷикистон Ҳ.А. Аҳмадов ва дигар мутахассисони вазорат ҷавобҳои пурра ва қаноатбахш доданд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






