ОҒОЗИ ТАЪМИРИ РОҲ ДАР ШӮРООБОД

Шӯрообод, 6 июл. (АМИТ «Ховар», Сулаймон  Холов). — Бар  асоси  итиллои   сармуҳандиси   муассисаи  давлатии   роҳҳои  автомобилгарди  ноҳияи  Шӯрообод  Мирзомад  Мирзоев  кормандони  муассиса    барои  барқарор  кардани   роҳҳои   автомобилгард  ва  купрукҳое, ки  дар натиҷаи  офати  табии, хисорот  дидаанд  шурӯъ  карда  то ин ҷониб  барқороркунии   1 купруки  байни  деҳа   ва  таъмири    79, 5 км  роҳи    аҳамияти   маҳалидоштаро  ба итмом  расонидаанд. Ба гуфтаи  ин манбаъ  барои  барқарор  сохтани  роҳҳо  аз  тарафи  Вазорати  нақлиёт  ва комуникатсия дар  панҷ  моҳи  соли  ҷорӣ   ба  муассиса  маблағи  196 300  сомонӣ  ҷудо  гардид , ки  бо  ин  маблағ  67 км роҳҳои  байналмилалӣ, 41, 5 км роҳҳои  ҷумҳуриявӣ ва 181, 2 км  роҳҳои  маҳаллӣ  аз таъмир   бароварда  шудаанд. Айни ҳол 3 техника барои  тоза  кардани  маҷрои  обгузар ба  мавзеъҳои Саричашма ва  Шоун равона гардидааст, ки  омодаи  кор  мебошанд, —  афзуд  Мирзомад  Мирзоев.