ОҚИЛ ОҚИЛОВ БА ХАТЛОН РАФТ

Қӯрғонтеппа,  7 июл. (АМИТ «Ховар»,  Мурод  Сотиев). —  Гурӯҳи  кории Ҳукумати  мамлакат  таҳти  роҳбарии  Сарвазири  ҷумҳурӣ  Оқил  Оқилов ба як қатор  шаҳру  ноҳияҳои  вилояти  Хатлон  сафар  кард. Гурӯҳи  корӣ  дар  давоми  се  рӯз  бо  фаъолияти хоҷагиҳои  деҳқонӣ,  ҷараёни  сохтмони  баъзе  иншоот  ва  фаъолияти  хоҷагиҳои об  шинос  гардида,  аз  баъзе   корхонаҳои  саноатӣ  боздид  ба  амал  меорад. Мухбири  АМИТ «Ховар»  хабар  медиҳад, ки  ба  ҳайати  гурӯҳ  роҳбарони  баъзе  вазорату  идораҳо  шомиланд. Аъзои  гурӯҳ  зимни  сафар   ба  ноҳияҳои  Шаҳритус,  Қубодиён,  Носири  Хисрав,  Панҷ, Қумсангир,  Ёвон,  Ҷалолиддини  Румӣ ва  шаҳри  Қӯрғонтеппа  хоҳанд  рафт.