ПАНҶ ХОНАИ НАВСОХТ ТӮҲФА АЗ «МЛТ»

Июль 26, 2010 14:40

Душанбе, 26 июл. ( АМИТ  « Ховар», Мавзуна Бойева). Ширкати алоқаи  мобилии «МЛТ»  ташаббус нишон дода  қарор дод , ки   барои зарардидагони  офати табиии  вилояти Хатлон  панҷ хонаи  истиқоматӣ  бунёд намояд. Дар ин бора  ба мухбири  АМИТ « Ховар»  котиби  матбуотии  ширкати мазкур  Азиз Хайруллоев хабар дод.  « Ширкати мо ҳалли  масъалаҳои муҳими  иҷтимоиро  бар дӯш гирифтаву аввалин шуда қарор дод, ки ба  зарардидагон  кӯмак намояд. Ширкат дар ин  рӯзҳо дар  ноҳияи   Мӯъминобод панҷ хонаи  истиқоматӣ  бунёд менамояд»,-гуфт А. Хайруллоев. Ёдовар мешавем, ки   моҳи майи соли  ҷорӣ аз  сабаби боришоти  бардавом  ва омадани  селу ярч  хонаҳои истиқоматӣ ва  хоҷагиҳои  вилояти  Хатлон зарари  зиёд диданд. Кормандони ширкати « МЛТ»  ба ин ноҳияҳо  сафар намуда , бо  вазъи фоҷиабори   ин  минтақа  аз наздик  шинос шуданд ва барои  бунёди  хонаҳои нав   ҷойи мувофиқ интихоб  намуданд. Бунёди хонаҳо аз ҷониби  ширкат дар ноҳияи  Мӯъминобод оғоз ёфтааст. Бояд зикр намуд, ки  барои иштирок дар  кори сохтмон  мутахассисони  варзидаи ватанӣ ҷалб гардидаанд. Ширкати « МЛТ»  зарурати  иҷтимоӣ- ҷамъиятии  лоиҳаи мазкурро ба инобат гирифта, баҳри  иҷрои вазифаи  ба зимма гирифта  масъулияти  баланд эҳсос менамояд.  

Июль 26, 2010 14:40

Хабарҳои дигари ин бахш

Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд