РАҲМОНОВ БА МАСКАВ РАФТ

Душанбе, 7 июл.(АМИТ «Ховар», Марзия Саидова).-Вазири маорифи ҷумҳурӣ Абдуҷаббор Раҳмонов ҷиҳати иштирок дар конфронси вазирони маорифи кишварҳои аъзои Иттиҳоди давлатҳои мустақил ба шаҳри Маскави пойтахти Федератсияи Русия сафар кард. Назар ба иттилои котиби матбуотии Вазири маорифи ҷумҳурӣ Ноилшо Нуралиев,  конфронси вазирони маорифи ИДМ 8-9-уми июли соли равон доир гардида,  дар он масъалаҳои муҳими тақвияти ҳамкории кишварҳои ИДМ дар бахши маориф мавриди баррасӣ қарор мегиранд. Инчунин, 7 июл  дар шаҳри Маскав ҷаласаи Раёсати Фонди байнидавлатии ҳамкориҳои гуманитарии давлатҳои аъзои ИДМ багузор мегардад. Ноилшо Нуралиев афзуд, ки дар ин чорабиниҳо вазири маорифи ҷумҳурӣ Абдуҷаббор Раҳмоновро мудири шӯъбаи илм ва маорифи Дастгоҳи иҷроияи Президенти ҷумҳурӣ  Ҳ. Фақеров, ректори Донишгоҳи славянии Тоҷикистон — Русия М. Имомов ва ректори Донишгоҳи техникии Тоҷикистон ба номи академик М. Осимӣ А. Абдурасулов ҳамроҳӣ менамоянд.