РОҲБАРИ ДАСТГОҲ БАРОИ РОЗӢ КУНОНИДАНИ РАИС ПОРА ГИРИФТ
Душанбе, 12 июл. (АМИТ «Ховар», Лаззат Диловарзод).- Бино ба гуфти корманди Раёсати Агентии НДМ ва мубориза бо коррупсияи вилояти Хатлон Ҳикматулло Исматов, истиқоматкунандаи деҳаи Меҳнати ҷамоати деҳоти «Ҳилолӣ»- и ноҳияи Хуросон Сафар Солиҳов барои гирифтани розигии раиси ноҳия ҷиҳати ҷудо намудани қитъаи замини сохтмонӣ 2 сол овора шуд. Роҳбари дастгоҳи раиси ноҳия Саидназар Забиров барои гирифтани розигии раиси ноҳияи мазкур 1000 доллари амрикоӣ талаб намуд. Сафар Солеҳов бошад ба Агентии НДМ оид ба коррупсияи вилояти Хатлон нисбат ба талаби ғайриқонунии роҳбари дастгоҳ бо ариза муроҷиат намуд. Кормандони Раёсати Агентии НДМ ва мубориза бо коррупсияи вилояти Хатлон зимни як амалиёт роҳбари дастгоҳ Саидназар Забировро ҳангоми гирифтани пора дастгир намуданд. Ҳоло кормандони Раёсати Агентии НДМ ва мубориза бо коррупсияи вилояти Хатлон нисбати Саидназар Забиров бо моддаи 319 (гирифтани пора) -и КҶҶТ парвандаи ҷиноӣ кушода, тафтишот мебаранд. Аммо саволи матраҳ ин аст, ки роҳбари дастгоҳ барои кӣ, барои худ ё дар ҳақиқат барои гирифтани розигии раис пора талаб кардааст? Ҷузъиёти инро тафтишот муайян хоҳад кард.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






